Du må gi oss løyve

Ønskjer du at vi skal krevje inn erstatning for ei straffbar handling på vegner av verksemda di, sender vi deg eit brev der vi ber om samtykke til å krevje inn erstatninga. Du må også oppgi kontonummeret til verksemda. Gir du oss løyve til å krevje inn, sender vi faktura til den som skal betale deg erstatninga. 

Vi krev berre inn renter i sakene der det står i domsslutninga at det skal reknast renter i tillegg til kravet.

Dersom saka går vidare til tvangsinnkrevjing, krev vi ikkje inn pengar på vegner av verksemda dersom verksemda har ressursar til å gjere dette sjølv. Det betyr at verksemda i dei fleste tilfelle sjølv må sende saka til den alminnelege namsmannen dersom kravet ikkje blir betalt inn frivillig.